Një 64 – vjeçar nga fshati Llaushë i Komunës së Skenderajt ka vdekur, pasi ishte plagosur me armë zjarri.
Policia ka bërë të ditur se rasti po hetohet si vetëvrasje.
Zëdhënësi i Policisë për rajonin e Mitrovicës, Avni Zahiti ka thënë se vdekja e 68-vjeçarit është konstatuar nga ekipet mjekësore në Spitalin e Mitrovicës.
Sot, rreth orës 12:15, është raportuar se në fshatin ‘Llaushe të Skenderajt, një person ishte plagosur me armë zjarri dhe i njëjti ishte dërguar ne emergjencën e Spitalit Rajonal ne Mitrovicë , ku rreth orës 13:36, mjeku ka konstatuar vdekjen e viktimës G.B., mashkull rreth 64 vjeçar. Bazuar në hetimet fillestare të këqyrjes së vendit të ngjarjes, është gjetur një armë e shkurte pistolete me shtatë fishek dhe një gëzhoj. Hetuesit policor në koordinimim me Prokurorin kompetent hetojnë rastin si vetëvrasje.
Me urdhër të prokurorit trupi i pa jetë i viktimës është dërguar në Institutin e Mjekësisë Ligjore.
