Në seancën e sotme të Kuvendit të Kosovës, janë përplasur deputetja e PDK-së, Ganimete Musliu, dhe kryeparlamentarja Albulena Haxhiu.
Musliu tha se deputetët nuk kanë marrë ftesë për seancë por vetëm një mesazh.
“Nuk kam pranuar ftesë. Na ka ardhur një mesazh 8 minuta para orës 20:00, askush s’e kemi marrë ftesë. Krejt çka po ndodh për dy javë kemi pa që Kurti po tenton ta instalojë një sistem totalitar”, tha Musliu.
Pas kësaj deklarate reagoi kryeparlamentarja Haxhiu, e cila i kërkoi deputetes të ketë kujdes me gjuhën dhe të përmbahet në rendin e ditës.
“Ta tërheq vërejtjen për gjuhën e përdorur dhe përmbaju rendit të ditës”, tha Haxhiu.
Musliu iu përgjigj duke kërkuar sqarim se ku kishte gabuar.
