Një ngjarje e rëndë ka tronditur mëngjesin e djeshëm familjen Mazreku nga Mamusha, pasi familjari i tyre i ka dhënë fund jetës.
Siç merr vesh Gazeta viktima ishte dërguar në gjendje të rëndë shëndetësore në Qendrën e Mjekësisë Familjare në Mamushë dhe pastaj në Spitalin e Prizrenit, por nuk ka mundur t’u mbijetojë plagëve.
Viktima, mëson Gazeta është Turan Mazrek, 29 vjeçar.
Gazeta merr vesh se viktima ishte gjetur i varur me litar në serën pranë shtëpisë së tyre.
Lidhur me rastin, Njësia e Hetimeve Rajonale e Prizrenit është njoftuar dhe ka dalë në vendin e ngjarjes së bashku me njësitë e teknikës kriminalistike, të cilat kanë kryer ekzaminimin dhe mbledhjen e provave të nevojshme.
Me urdhër të Prokurorisë Themelore, trupi i pajetë i viktimës është dërguar në Institutin e Mjekësisë Ligjore për autopsi.
Hetimet po vazhdojnë për të sqaruar motivin dhe rrethanat e kësaj ngjarjeje tragjike.
