Një ngjarje tragjike është regjistruar në shtetin perëndimor të Gujaratit në Indi, ku dhjetë persona kanë humbur jetën si pasojë e shembjes së një ure.
Lajmi është bërë i ditur të mërkurën nga transmetuesi indian NDTV, ndërsa autoritetet nuk kanë konfirmuar ende nëse ka persona të lënduar nga kjo ngjarje.
Shkaqet që mund të kenë çuar në shembjen e urës ende nuk janë bërë të ditura, ndërsa ekipet e shpëtimit ndodhen në terren për të sqaruar rrethanat dhe për të kërkuar të mbijetuar të mundshëm.
