Një ngjarje e rëndë dhe tragjike ka ndodhur sot në Dibër, ku një punonjës i elektrikës ka humbur jetën teksa po kryente detyrën e tij zyrtare.
Mediat shqiptare raportohet se viktima është Lulzim Shehu, rreth 60 vjeç, i cili fatkeqësisht nuk u ka mbijetuar dot plagëve të marra.
Si ndodhi ngjarja tragjike?
Incidenti i rëndë u regjistrua në fshatin Vasie të njësisë administrative Kalaja e Dodës. Sipas informacioneve të para, Shehu ka qenë duke punuar për ndërrimin e shtyllave elektrike në këtë zonë. Në momentin kur ai ka prerë telat përcjellës, shtylla është rrëzuar dhe e ka zënë poshtë, duke i shkaktuar lëndime të tmerrshme.
Dëshmitarët dhe kolegët kanë ndërhyrë me shpejtësi për t’i dalë në ndihmë dhe 60-vjeçari është nisur me urgjencë drejt spitalit, por plagët e rënda rezultuan fatale për të.
Policia nis hetimet
Menjëherë pas marrjes së informatës, në vendin e ngjarjes kanë dalë njësitet policore dhe grupi hetimor. Ka nisur një hetim i gjerë për të zbardhur të gjitha rrethanat e këtij aksidenti në punë dhe për të parë nëse janë respektuar kushtet e sigurisë teknike gjatë procesit.
