Tifozët anglezë kanë vërshuar me komente pozitive për paraqitjen brilante të kapitenit Granit Xhaka.
Në faqen zyrtare të Sunderlandit, dhjetëra ndjekës kanë komplimentuar mesfushorin shqiptar për lojën e tij fantastike.
Vlerësimet nuk kanë ardhur vetëm nga tifozët e Sunderlandit, por edhe nga ata të Arsenalit, të cilët e kanë falënderuar publikisht Xhakën dhe janë shprehur krenarë për të.
Ata kanë theksuar se përvoja dhe lidershipi i tij ndihmuan Sunderlandin ta ndalë Manchester Cityn, duke nxjerrë një barazim të madh 0:0 në ndeshjen e javës së 19-të të Premier League.
Tifozi Peter Josef Naef, ka shkruar me superlativ për Xhakën: “Xhaka me 33 vite në formën e tij më të mirë.
Për shumë vite Xhaka luajti “një lloj futbolli të sigurisë”. Ai pati ulje-ngritje duke luajtur për Zvicrën.
Tani ai do të jetë një lider i shkëlqyeshëm. Ai do të luajë n ëKupën e Botës për herë të katërt radhazi. Shkuarja në Sunderland ishte një zgjedhje shumë e mirë”.
Ernest Nwachukwu, ka bërë një pyetje shumë interesante: “Si e la Arsenali Granit Xhakën të largohej? Përbindësh absolut. Mentalitet fitues”.
Jonteez Skidd, ka komentuar: “Xhaka ka vendosur t’i japë ish-klubit të tij dhuratën më të mirë të Vitit të Ri. Zoti ju bekoftë ju dhe klubin tuaj”.
Marete Muriithi i fascinuar: “Sunderland, Xhaka dhe tifozët…. Çfarë klubi!”
Ahmad Ibrahim habit me një shkrim: “I dashur kapiten Granit, ‘Topçinjtë’ të duan dhe na dhe një avantazh kundër tyre”.
Gilbert Bett, i lumtur që e ndalën Manchester Cityn: “Xhaka është i lumtur me Arsenalin që do ta fitojmë ligën”.
Victor Onyeka falënderon Xhakën: “Lart ‘Topçinj’. Jemi 4 pikë përpara
Faleminderit Sunderland dhe faleminderit Xhaka”.
Kay Flow, mburret me Arsenalin: “Një herë ‘Topçi”, gjithmonë “Topçi”, faleminderit Xhaka, Faleminderit Sunderland. Kohë e mirë”.
