Kombëtarja kroate e futbollit festoi mbrëmë një fitore dramatike në Podgoricë, ku pas një përmbysjeje të madhe mposhti Malin e Zi me rezultat 3:2.
Edhe pse në fushë mbizotëronte ‘Fair-Play’, në tribuna tifozët kroatë u përkujdesën për disa mesazhe të fuqishme ndaj serbëve.
Rreth 550 tifozë kroatë të pranishëm në stadium u vunë në qendër të vëmendjes për një pankartë të shfaqur gjatë ndeshjes, në të cilën shkruhej:
“Nga Dubrovniku dëgjohen thirrjet: ‘na e thi* k*, çetnikë, nuk ka falje”, shkruhej në banderolën e tifozëve kroat.
Përveç pankartës, ndeshja u shoqërua edhe me thirrje të ndryshme në tribuna nga tifozët kroatë.
Në fillim të takimit, nga sektori i tifozëve kroatë u dëgjuan brohoritje nacionaliste
“Për atdheun gati”, por edhe “Vritni serbët” ndaj të cilave tifozët malazezë reaguan me fishkëllima.
Më pas, shkëmbimi i thirrjeve fyese mes dy palëve u intensifikua, duke nxitur tension të ndërsjellë dhe duke rikujtuar plagë historike të rajonit.
Pavarësisht fitores së rëndësishme sportive, incidentet e mbrëmshme u cilësuan gjerësisht si një hap prapa në promovimin e frymës së fair-play dhe respektit mes tifozëve.
Autoritetet pritet të shqyrtojnë më tej situatën dhe masat e mundshme disiplinore.
