Hajduku i Spliti po përgatitet për ndeshjen e madhe të rrethit të tretë të kualifikueseve të Conference League në futboll.
Skuadra e madhe kroate do të ndeshet me Dianmo Cityn nga Tirana.
Ndeshja e parë luhet të enjten e të hënës së ardhshme (7 gusht) në Split dhe e kthimit më 14 gusht në kryeqytetin shqiptar.
“Tifozët e Hajdukut të Splitit bëjnë thirrje për ndeshjen e javës së parë për të shënuar përvjetorin e madh dhe të triumfit ndaj okupatorit serb.
Media serbe “Informer” çartet duke shkruar me nervozizëm ndaj Hajdukut.
“Urrejtja e kroatëve ndaj popullit serb po bëhet gjithnjë e më e fortë çdo ditë…
Sjellja skandaloze e fqinjit perëndimor po merr dimensione të reja dhe e gjithë kjo është konfirmuar nga tifozët e Hajdukut të Splitit.
Anëtarët e “Torcidës” kanë ftuar të gjithë mbështetësit e ekipit nëpërmjet rrjeteve sociale për ndeshjen e javës së parë të kampionatit kroat me qëllim përkujtimin e “Stuhisë” në vitin 1995”, shkarravit mes të tjera media serbe.
“Kjo ndeshje është me rëndësi të veçantë sepse do të shënojmë dhe festojmë 30-vjetorin e fitores më të madhe të ushtrisë kroate dhe të të gjithë kroatëve kundër agresorëve.
Spektakli është i garantuar dhe për këtë na duhet një tribunë e plotë në veri. Prandaj, nuk ka ftesë më të mirë për të sjellë flamurin kroat dhe për të qenë në Polud të dielën në orën 21:00″, shkroi grupi i tifozëve “Torcida”.
