Aktorja e njohur Teuta Krasniqi ka festuar ditëlindjen e saj të 43-të në një atmosferë të ngrohtë dhe plot dashuri, larg zhurmës së skenës dhe luksit të shfrenuar që shpesh e shoqëron botën e shoëbizit.
Këtë vit, Teuta zgjodhi një festë modeste, por tejet domethënëse, në ambient shtëpie, pranë dy vajzave, Tarës dhe Kaias, dhe në shoqërinë e mikeshave më të afërta.
Mbrëmja u mbush me të qeshura, kujtime të bukura dhe momente intime që rrallë i shohim në rrjetet sociale.
“34 jooo, por 43 ”, shkroi aktorja me humor në Instagram, duke falënderuar Zotin për gjithçka që ka arritur dhe për njerëzit që e rrethojnë.
“Faleminderit çikitas për një super ndejë plot të qeshura… Faleminderit juve miq për urimet tuaja, paçim gjithmonë arsye për të festuar e uruar mes vete.”
Kjo ditëlindje nuk ishte vetëm një numër më shumë në kalendar, por një kujtim i bukur që dëshmon se gëzimi i vërtetë vjen nga momentet e vogla, me njerëzit që do.
