Testimet teknike në Urën e Ibrit në Mitrovicë janë kryer të martën, por Qeveria në detyrë nuk është informuar se kush ka qenë përgjegjës për realizimin e këtyre testimeve.
Dy ditë pas kryerjes së testimeve, bëhet e ditur se ato janë realizuar nga personeli i një kompanie të kontraktuar nga Bashkimi Evropian.
“Personeli i angazhuar në testimet teknike të kryera në Urën e Mitrovicës është i një kompanie private të kontraktuar nga Bashkimi Evropian,” ka konfirmuar KFOR-i në një përgjigje për mediat.
Në testimet e së martës ishin të angazhuar një numër i madh punëtorësh, kamionë të rëndë dhe pajisje të ndryshme.
