Një incident i rëndë është shënuar sot në fshatin Nashec të Prizrenit, ku një person ka mbetur i plagosur si pasojë e përdorimit të armës së zjarrit.
Lidhur me gjendjen shëndetësore të të plagosurit ka folur shefi i Emergjencës në Prizren, Hekuran Veçgishti, i cili ka bërë të ditur se viktima është dërguar në Emergjencë rreth orës 13:20 dhe se gjendja e tij është stabile.
“Ne i kemi përfunduar ekzaminimet e nevojshme dhe pacienti tashmë është dërguar në Repartin e Ortopedisë. Gjendja e tij është stabile”, ka deklaruar ai.
Për këtë rast, Gazeta ka raportuar ekskluzivisht. Sipas informatave fillestare, rasti po trajtohet si tentim vrasje, ndërsa Policia e Kosovës ka nisur hetimet për zbardhjen e plotë të rrethanave të ngjarjes dhe identifikimin e personave të përfshirë.
