Një incident i armatosur ndodhi të premten në mbrëmje në qytetin Nimes të Francës jugore, ku gjashtë persona, përfshirë katër të mitur, u plagosën pasi persona të armatosur të panjohur hapën zjarr në një shesh publik.
Ngjarja ndodhi rreth orës 19:00 në lagjen Waldeguer, një zonë e njohur për nivelet e larta të varfërisë dhe aktivitetet e trafikimit të drogës.
Zyra e prokurorit lokal njoftoi se viktimat janë të moshës ndërmjet 15 dhe 20 vjeç, ndërsa dy prej tyre – një 15-vjeçar dhe një 17-vjeçar – janë shtruar në spital, jashtë rrezikut për jetën.
Prokurorja e lidh incidentin me përplasjet midis bandave rivale të drogës, një fenomen i përsëritur në këtë zonë problematike.
