Incidenti i rëndë ka ndodhur gjatë një ndeshjeje futbolli në famullinë e Buenavista-s, në komunën e Pasaje-s, në pjesën jugore të shtetit pranë kufirit me Perunë.
Sipas gazetës lokale “Ecuador Comunicación”, një grup burrash të armatosur mbërritën në vendngjarje dhe hapën zjarr mbi spektatorët e ndeshjes, duke shkaktuar panik, me një numër tragjik prej tre të vdekurish dhe pesë të plagosurish, përfshirë një vajzë 12-vjeçare.
Koloneli Pablo Fajardo i Policisë Kombëtare tha se të dyshuarit mbërritën me dy motoçikleta dhe hapën zjarr pa dallim mbi tifozët. “Një nga viktimat ishte sulmuar vitin e kaluar dhe ishte shtruar në spital”, tha ai.
Në videot që qarkullojnë në mediat sociale dhe që burojnë nga një transmetim i drejtpërdrejtë, dëgjohen të shtëna me armë zjarri, ndërsa pak më vonë shihen njerëz duke vrapuar dhe bërtitur.
Dëshmitarët i thanë gazetës se trupat mbetën në barin e stadiumit, ndërsa të plagosurit u dërguan fillimisht në qendrat mjekësore aty pranë.
Deri më tani nuk ka njoftime për arrestime dhe hetimet në zonë po vazhdojnë.
#ATENCIÓN Tres personas murieron y al menos cinco resultaron heridas, entre ellas una niña, tras un ataque armado durante un partido en Pasaje. Hombres armados dispararon contra la multitud en La Guabita. Se investiga si las víctimas tenían antecedentes penales. #Noticia pic.twitter.com/SkG4EORgTJ
— Informatech (@Informatech_ec) August 4, 2025
