Të paktën 21 persona kanë humbur jetën si pasojë e përmbytjeve që goditën rajonin qendror të Nigerisë këtë të premte, ndërsa më shumë se 10 të tjerë rezultojnë të zhdukur, njoftoi Agjencia Kombëtare për Menaxhimin e Emergjencave.
Kreu i agjencisë, Ibrahim Husaini, tha për agjencinë Reuters se përmbytjet përfshinë një zonë të gjerë dhe shkaktuan dëme të mëdha materiale, duke përmbytur rreth 50 shtëpi.
Përmbytjet janë të shpeshta në Nigeri gjatë sezonit të shirave që nis në prill dhe zgjat deri në tetor, duke rrezikuar jetën e banorëve dhe duke shkaktuar dëme të konsiderueshme infrastrukturore dhe ekonomike.
