E veja e Charlie Kirk ndau një sërë imazhesh të dhimbshme, teksa qante pranë arkivolit të burrit të saj në një lamtumirë të fundit dhe intime për aktivistin konservator të vrarë.
Erica Kirk shihet në një video thellësisht personale duke i përkëdhelur butësisht dorën burrit të saj, ndërsa ulet pranë trupit të tij.
“Të dua. Të dua. Zoti të bekoftë,” pëshpërit ajo duke ngashëruar me lot, me zërin që i vibron ndërsa qan mbi trupin e tij.
Tingulli i rënkimeve të saj mbush dhomën, ndërsa dora e saj qëndron mbi dorën e tij, në një akt të fundit përkushtimi të regjistruar para syve të 3.3 milionë ndjekësve të saj.
Në një imazh tjetër, e shohim me shpinë nga kamera, flokët e saj të gjatë bjonde që i bien mbi supe, ndërsa duket sikur është shembur nga pikëllimi, e shtrirë sipër arkivolit të burrit të saj.
Këto momente tronditëse erdhën vetëm disa orë pas fjalimit publik të Ericës nga studioja e burrit të saj të vrarë, në të cilin ajo premtoi të vazhdonte misionin e tij dhe “të mos e linte kurrë trashëgiminë e tij të vdiste”.
