Ushtari i FSK-së, Gentrit Bilalli, ka treguar muhabetin e fundit, pak orë para se Liman Musliu të humb jetën tragjikisht duke punuar në ndërtimtari.
Bilalli në një koment që ka bërë tek postimi i gazetarit, Arsim Lani, ka treguar se me Musliun ishin takuar para se ai të shkonte në punën e dytë. Madje kishin biseduar edhe për detyrimin që po kanë ushtarët e FSK-së, për të punuar edhe një punë të dytë për të mbajtur familjen.
“Kaloi pranë neve ku ishim t’u punu dhe na tha: tani po thonë që pjesëtarët e FSK-së nuk punojnë privat se kanë paga të majme e ushqim cilësorë”, citon Bilalli fjalët e Musliut.
Ky është komenti origjinal i Gentrit Bilallit
Kto ishin edhe fjalt e tij kur kaloj pranë neve ku ishum tu punu “Tani po thojn pjestarët e FSK-së nuk punojn privat se kan paga t’majme , e ushqim cilsorë ” erdh na foli secilit me ngrohtësi e buzëqeshje. 4 prej neve pjestarë të FSK-së besa na dha edhe soka, tha po shkoj me vazhdu punën e u përshëndetum paraditën e djeshme në Prishtinë, për te marrë me vonë lajmin qe ka ndrruar jetë tragjikisht në vendin e punës.
Ngushëllime Familjes, Bashkëluftetarëve dhe Shokëve
Allahu e shpërbleft me Xhenet
