Presidentja e Kosovës, Vjosa Osmani, ka ftuar përfaqësues të partive parlamentare në një takim konsultues, për të diskutuar situatën politike të krijuar gjatë pesë muajve të fundit.
Takimi është planifikuar për më 3 korrik, dhe disa liderë partiakë kanë konfirmuar tashmë pjesëmarrjen.
Ndër të ftuarit është edhe kreu i LVV-së, kryeministri në detyrë, Albin Kurti, i cili tha se do të marrë pjesë në këtë takim.
“Kam marrë pjesë më herët e do të marrë pjesë edhe tash,” tha Kurti për mediat gjatë vënies së gurëve të themelit për urat mbi lumin Ibër në Mitrovicë.
