Shefi i Grupit Parlamentar të AAK-së, Besnik Tahiri, ka thënë se do të presin reagimin e shumicës në Kuvend për votimin e amendamenteve të AAK-së, dhe më pas do të vendosin për mbështetjen e buxhetit për vitin 2026.
Ai ka theksuar se 14 prej amendamenteve janë të AAK-së dhe se do të ishte e palogjikshme që ato të mos përfshihen.
“Ne do të presim cili do të jetë reagimi i qeverisë, ju shumicës, nëse edhe kësaj here nuk do të kalojë në seancë asnjë amendament i AAK-së. Krejt ushtrimi, edhe leximit të parë, edhe procesit të shkurtimit të afatit për diskutimin e amendamenteve ka qenë mashtrim optik. Do lexojmë amendamentet tona dhe do të shohim a do marrim mbështetje”, ka thënë Tahiri.
