Ministri në detyrë i Punëve të Brendshme, Xhelal Sveçla, e ka komentuar shkurt deklaratën e përsëritur të ish-presidentit amerikan, Donald Trump, lidhur me ndërhyrjen e tij për të parandaluar një luftë të mundshme mes Kosovës dhe Serbisë.
Përkundër peshës që deklarata e Trump ka marrë në opinionin publik, Sveçla është mjaftuar me një koment të shkurtër për të shprehur falënderimin ndaj Shteteve të Bashkuara të Amerikës.
“Jemi jashtëzakonisht falënderues për mbështetjen e SHBA-së gjatë gjithë historisë së Republikës së Kosovës”, tha ai.
Kujtojmë se Donald Trump, edhe gjatë një fjalimi të fundit, deklaroi se në kohën e presidencës së tij kishte ndaluar shpërthimin e një konflikti të ri mes dy vendeve, duke pretenduar se kishte marrë premtime të drejtpërdrejta nga liderët përkatës për të ndalur përshkallëzimin.
