Rreth 40 raketa me lëndë djegëse të ngurtë dhe të lëngshme, përfshirë raketën balistike Kheibar Shekan, e njohur edhe si Khorramshahr-4, u përdorën nga Irani në sulmet e së dielës ndaj Izraelit.
Raketa balistike me rreze të mesme veprimi është zhvilluar nga Trupat e Gardës Revolucionare Islamike të Iranit dhe u prezantua në vitin 2022.
Ajo vlerësohet të ketë ngarkesën më të rëndë në arsenalin e raketave balistike të Iranit.
Rrezja e saj vlerësohet të jetë rreth 1450 kilometra, sipas Al Jazeera.
Emërtimi “Khorramshahr-4” vjen nga qyteti iranian me të njëjtin emër, i cili ishte epiqendra e luftimeve të ashpra gjatë Luftës Iran-Irak në vitet 1980.
