SHBA-të kanë paralajmëruar se do të sulmojnë përsëri dhe se bota “duhet ta dëgjojë Trumpin” pas një sulmi të paprecedentë ndaj tre impianteve bërthamore.
Ky paralajmërim vjen menjëherë pasi ministri i Jashtëm iranian zbuloi se do të takohet me diktatorin rus Vladimir Putin dhe paralajmëroi Perëndimin për një “rrezik të paparë”.
Sekretari i Mbrojtjes i SHBA-së, Pete Hegseth, tha se Operacioni “Çekani i Mesnatës” ishte “një sukses i jashtëzakonshëm dhe dërrmues” që kërkoi muaj dhe javë planifikimi.
Ai shtoi se Trump ka qenë i qartë se “çdo hakmarrje nga Irani” kundër SHBA-së do të “përballet me një forcë shumë më të madhe” sesa ajo që u pa të shtunën në mbrëmje.
“Kur ky President flet, bota duhet ta dëgjojë”, tha ai.
Ministri i Jashtëm i Iranit, Abbas Arghchi, ka thënë se do të shkojë sot në Rusi për t’u takuar me udhëheqësin rus, Vladimir Putin.
“Do të shkoj në Moskë këtë pasdite dhe nesër në mëngjes do të takohem me Presidentin Putin”, tha Arghchi.
Ky i fundit e quajti Moskën një “mik të Iranit”, duke shtuar se “ne gjithmonë konsultohemi me njëri-tjetrin”.
Ekziston frika se konflikti mund të shndërrohet në një luftë botërore, me kukullën e Putinit, Dmitry Medvedev, që bën një kërcënim të fshehtë për të furnizuar Iranin me armë bërthamore.
Ai tha se “një numër vendesh janë të gatshme ta furnizojnë drejtpërdrejt Iranin me armët e tyre bërthamore.”
Pasi i shpalli sulmet amerikane si të suksesshme, Trump paralajmëroi se mund të ndërmerren veprime të mëtejshme nëse Teherani nuk pranon një marrëveshje të përshtatshme paqeje.
Ai tha në një fjalim të transmetuar nga Shtëpia e Bardhë se ” Irani , ngacmuesi i Lindjes së Mesme, tani duhet të bëjë paqe. Nëse nuk e bën, sulmet e ardhshme do të jenë shumë më të mëdha dhe shumë më të lehta.”
“Do të ketë ose paqe, ose do të ketë tragjedi për Iranin shumë më të madhe se ajo që kemi parë gjatë tetë ditëve të fundit.
Mbani mend se kanë mbetur shumë objektiva. Sonte ishte më e vështira nga të gjitha, deri më tani, dhe ndoshta më vdekjeprurësja.
Por nëse paqja nuk vjen shpejt, ne do t’i ndjekim ato objektiva të tjera me precizion, shpejtësi dhe aftësi.
Shumica e tyre mund të eliminohen brenda pak minutash. Nuk ka ushtri në botë që mund të kishte bërë atë që bëmë ne sonte”, tha Trump.
Dhe menjëherë pasi foli para kameras, ai postoi në Truth Social: “kjo nuk mund të vazhdojë. Ose do të ketë paqe, ose do të ketë tragjedi për Iranin shumë më të madhe se ajo që kemi parë gjatë tetë ditëve të fundit.”
Ndërkohë, ministri i jashtëm i Iranit, Abbas Arghchi, i quajti sulmet “të skandaloze dhe do të kenë pasoja të përhershme”.
Ai e quajti gjithashtu veprimin ushtarak “një shkelje të rëndë të Kartës së OKB-së, ligjit ndërkombëtar dhe NPT-së duke sulmuar instalimet bërthamore paqësore të Iranit”.
Kryeministri i Kanadasë, Mark Carney, ka paralajmëruar se konflikti në Lindjen e Mesme është “shumë i paqëndrueshëm”.
Ai shkroi në X: “programi bërthamor i Iranit është një kërcënim serioz për sigurinë ndërkombëtare dhe Kanadaja ka qenë vazhdimisht e qartë se Iranit nuk mund t’i lejohet kurrë të zhvillojë një armë bërthamore.”
“Ndërsa veprimi ushtarak amerikan i ndërmarrë mbrëmë ishte i projektuar për të lehtësuar këtë kërcënim, situata në Lindjen e Mesme mbetet shumë e paqëndrueshme. Stabiliteti në rajon është një përparësi. Kanadaja u bën thirrje palëve të kthehen menjëherë në tryezën e negociatave dhe të arrijnë një zgjidhje diplomatike për t’i dhënë fund kësaj krize”, shkruan Carney.
Në anën tjetër, Irani tha se njohuritë e tij në fushën bërthamore “nuk mund të shkatërrohen” pasi Shtetet e Bashkuara kryen një seri sulmesh të dielën ndaj objekteve atomike në Republikën Islamike.
“Ata duhet ta dinë se kjo industri ka rrënjë në vendin tonë dhe rrënjët e kësaj industrie kombëtare nuk mund të shkatërrohen”, tha zëdhënësi i Organizatës së Energjisë Atomike të Iranit, Behrouz Kamalvandi, sipas agjencisë së lajmeve Tasnim.
“Sigurisht, ne kemi pësuar dëme, por kjo nuk është hera e parë që industria ka pësuar dëme”, shtoi ai.
Por, Sekretari amerikan i mbrojtjes, Pete Hegseth, zbuloi se kishte “mesazhe publike dhe private që u dërgoheshin drejtpërdrejt iranianëve”.
Ai shtoi se ato po dorëzoheshin “në kanale të shumëfishta”.
Hegseth shtoi se “Irani e kupton saktësisht se cili është qëndrimi amerikan, saktësisht se çfarë hapash mund të ndërmarrin për të lejuar paqen.”
Kryetari i shefave të shtabeve të përbashkëta të SHBA-së, Dan Caine, zbuloi se operacioni u quajt “Çekani i Mesnatës”.
Caine tha se në mesnatën e së premtes, një paketë gjigante bombarduesish B-2 u nis nga SHBA-ja, por – për të qëndruar nën radar, disa fluturuan në perëndim, në Paqësor.
Kjo u quajt si një “përpjekje mashtrimi”.
Caine shpjegoi se “sulmi u planifikua dhe u ekzekutua në shumë fusha me një koordinim që pasqyron aftësinë tonë për të projektuar pushtetin globalisht me shpejtësi dhe saktësi në kohën dhe vendin e zgjedhur nga kombi ynë”.
