Edhe pse ndodhemi në mesin e muajit maj, reshje bore janë regjistruar sot në bjeshkët e Strellcit, në komunën e Deçanit.
Pamjet nga terreni tregojnë shtresa dëbore mbi tokë, ndonëse pranvera është në kulmin e saj.
Reshjet e borës në këtë periudhë janë të pazakonta për këtë rajon, por jo të paprecedentë në lartësitë malore, ku temperaturat vazhdojnë të jenë më të ulëta.
Ndërkohë, moti i paqëndrueshëm ka përfshirë disa zona malore të Kosovës, duke sjellë reshje shiu dhe rënie të temperaturave.
