Kryeministri i Mbretërisë së Bashkuar, Keir Starmer, i rrethuar nga presidenti i Francës, Emmanuel Macron i Francës, ai i Ukrainës, Volodymyr Zelensky, dhe liderë të vendeve të tjera të Evropës ka thënë në hapjen e samitit për sigurinë, se ky është një moment historik për sigurinë e Evropës.
Evropa po përballet me një moment “një herë në një brez” për sigurinë, tha Keir Starmer në bisedimet për të diskutuar mbështetjen dhe sigurinë e Ukrainës.
“Në bisedat e mia në ditët e fundit, ne ramë dakord që një grup prej nesh do të punojë me Ukrainën në një plan për të ndalur luftimet, dhe më pas do ta diskutojmë atë me SHBA-në dhe do ta çojmë përpara së bashku”, tha kryeministri.
Bisedimet e së dielës në Londër do të përqendrohen në atë se si mund të ofrohet paqe e drejtë dhe e qëndrushme, ka thënë Starmer, duke theksuar se edhe pse Rusia flet për paqen, ajo po vazhdon agresionin mbi ukrainasit.
“Edhe pse Rusia flet për paqen, ata po vazhdojnë agresionin e tyre të pamëshirshëm”, tha ai.
