Izraeli është hakmarrë ndaj Spanjës, lidhur me vendimin për të ndaluar shitjen e armëvë spanjolle në Izrael.
Izraeli u përgjigj duke u ndaluar hyrjen në vend zëvendëskryeministres dhe ministres së Punës Yolanda Diaz dhe ministres së Rinisë Sira Rego, të dyja nga partia e krahut të majtë Sumar.
Kryeministri spanjoll, Pedro Sánchez, shpalli miratimin urgjent të një dekreti që forcon embargon ndaj shitjes së armëve për Izraelin.
“Qeveria mendon se të mbrosh vendin tënd është një gjë, por të bombardosh spitale apo të lësh njerëzit të vdesin nga uria është krejt tjetër”, u shpreh kreu i ekzekutivit spanjoll.
Dekreti i ri ndalon që anije apo avionë që transportojnë armë ose karburant të destinuar për ushtrinë izraelite të ndalojnë në portet e Spanjës apo të përdorin hapësirën e saj ajrore.
Sanchez mori vendim për të njohur zyrtarisht Palestinën si shtet, në maj të këtij viti.
