Ndeshja e kthimit në Conference League në futboll mes liderit të kampionatit të Sllovenisë dhe kampionit të Kosovës, Dritës, do të luhet të enjten në orën 18.45.
Celje ka epërsinë (3:2) e ndeshjes së parë në Prishtinë.
Skuadra sllovene befason për ndeshjen e kthimit me vendimin ne fundit.
“Personalizimi i biletave vlen për ndeshjen evropiane me Dritën e Kosovës.
mbajtës bilete për ndeshjen e së enjtes ka të shkruara informacione personale (kjo ishte shkruar tashmë gjatë procesit të blerjes së biletës).
Kur hyn në stadium, çdo tifoz duhet të ketë një biletë të shtypur me të dhëna personale dhe një kartë identiteti. Ju lutemi që t’i përgatitni të dyja paraprakisht në mënyrë që inspektimi të kryhet shpejt dhe pa hezitim.
Vetëm sendet dhe pajisjet e tifozëve me ngjyrat e klubit të futbollit Celje ose Sllovenisë mund të sillen në stadiumin Z’dezhele (me përjashtim të sektorit mysafir).
Të gjitha sendet dhe pajisjet e tjera të tifozëve do të refuzohen dhe do të ndalohen në hyrje të stadiumit.
Për shkak të interesimit të madh, rekomandohet që tifozët të arrijnë të paktën një orë para fillimit të ndeshjes, për të shmangur tollovitë në hyrje.
Organizatorët u bëjnë thirrje të gjithë tifozëve që të respektojnë rregullat dhe të kontribuojnë në një atmosferë sportive e festive në këtë përballje evropiane”, thuhet nga klubi Celje.
