Simpatizues të Lëvizjes Vetëvendosje kanë nisur të festojnë pas rezultateve të deritanishme të zgjedhjeve të 9 shkurtit.
Festa ka nisur në Gjilan dhe Podujevë pas thirrjes që është bërë qytetarëve nga drejtuesit e këtyre komunave.
Deri tash ende nuk ka rezultate zyrtare se kush sa ka fituar në secilën komunë për shkak të problemeve teknike në faqen e KQZ-së.
Në rrjetet sociale janë publikuar video që tregojnë atmosferën festive në Mitrovicë dhe Lipjan, ku qytetarët kanë dalë në rrugë për të shprehur gëzimin e tyre.
Pritet që numërimi i mëtejshëm i votave të konfirmojë trendin aktual të rezultateve.
