Seanca fillestare për vrasjen e Liridona Ademajt është shtyrë për 31 janar, pasi ekipet mbrojtëse thanë se nuk kanë pranuar shkresat e lëndës dhe nuk ka kushte për mbajtjen e kësaj seance sot.
Gjykatësja i paralajmëroi avokatët që në këtë datë të re të jenë të përgatitur.
Në seancë të pranishëm ishin Naim Murseli, Granit Plava dhe Kushtrim Kokalla.
Para nisjes së seancës së sotme – që u shty nga gjykatësja e rastit – familja e Liridonës tha se beson në drejtësi dhe shpreson që gjykimi të jetë “efikas, profesional, pa gabime, pa vonesa dhe transparent”.
Liridona Ademaj u vra më 29 nëntor 2023 në Prishtinë.
