Në ndeshjen e tretë të Grupit C në kualifikimet evropiane për Kampionatin Botëror në basketboll, kombëtarja e Turqisë e tronditi Serbinë në Beograd me rezultat 82:78, duke regjistruar fitoren e tretë radhazi dhe duke mbetur me bilanc perfekt 3/3.
Turqit arritën kështu fitoren e dytë radhazi ndaj Serbisë, pasi e kishin mundur edhe 95:90 në fazën e grupeve të EuroBasket 2025.
Me këtë fitore, Turqia konfirmon formën e shkëlqyeshme dhe pozicionin e saj si pretendente serioze për kualifikim në Botërorin e vitit 2027.
Basketbollistët shqiptarë, Cedi Osman e Erxhan Osmani treguan lojë të madhe më shokë.
Cedi Osman shënoi 16 pikë e Erxhan Osmani 8 sosh.
Pas xhiros së tretë, Turqia kryeson me 6 pikë, la pas Serbinë me 5 sosh.
Serbia – Turqia 78:82
Serbia: Dobriq 17, Miljenoviq 10, Kaliniq 2, Tanaskoviq 5, Mitroviq 7, Davidovac 6, Ristiq 3, Momirov 3, Novak 6, Markoviq 19, Lakiq.
Turqia: Cedi Osman 16, Tarık Biberoviq 22, Metecan Birsen, Erxhan Osmani 8, Omer Faruk Yurtseven 14, Sehmus Hazer 7, Berk Ugurlu 6, Onuralp Bitim 3, Yigitcan Saybir, Sertaç Sanli 6.
