Jeta e Mirosllav Çiro Blazheviqit ka qenë përplot sfida dhe suksese!
Emri më i madh i trajnerëve që mbahet mend që ka pas klubi i futbollit Prishtina padyshim është Mirosllav Çiro Blazheviqi.
Ai erdhi në pranverën e vitit 1985 ku e shpëtoi Prishtinën e kapitenit Fadil Vokrri pa rënë nga Liga e Parë ish Jugosllave.
Kapiteni Fadil Vokrri, Zoran Batroviqi e Tereza Kesovija, me 30 qershor të vitit 1985
Bllazheviqi karizmatik bëri edhe një bujë në stadiumin e Prishtinës me 30 qershor të vitit 1985.
E solli në stadiumin e Prishtinës këngëtaren e famshme kroate Tereza Kesovija në ndeshjen ndaj Dinamos së Vinkovcit, ku ishin mbi 35 mijë shikues në stadium, prishtinasit triumfuan me rezultat 3:1.
Ndryshe e kishte mik të mirë trajnerin e trajnerëve në Kosovë, Ajet Shoshollin.
Shqiptarët e Kosovës i bëri për vete, por me Franjo Tuxhmanin pati përplasje
Trajneri i trajnerëve, Bllazheviq, vdiq më 8 shkurt të vitit 2023
I papërsëritshmi Mirosllav Çiro Blazheviqit, u nda nga jeta në moshën 88-vjeçare pas një sëmundjeje të gjatë dhe të rëndë.
Eksperti legjendar kroat luftoi me guxim kancerin për më shumë se një dekadë.
Për herë të parë u diagnostikua me tumor në prostatë në vitin 2011. Një vit më vonë, iu nënshtrua edhe një operacioni. Sëmundja e rëndë u rikthye në vitin 2019, por luftëtari i madh nuk u dorëzua. Ai arriti të dilte fitues nga kjo betejë dy herë, por herën e tretë, për fat të keq, nuk ia doli. Kanceri u përhap, duke prekur kockat dhe mëlçinë, dhe shpresa u shua.
Si adhurues i madh i Franjo Tuxhmanit dhe anëtar i shquar i HDZ-së, Bllazheviqi nuk mund ta refuzonte ftesën e TuXhmanit për t’u kthyer në Kroaci në vitin 1992 dhe për të marrë drejtimin e klubit të dashur, i cili atëherë ndryshoi emrin në “Croatia”.
Nga ajo periudhë mbahet mend një anekdotë që vetë ai e tregonte shpesh.
Në një intervistë të vitit 2021, Blazheviq pranoi se ishte kritikuar nga Franjo Tuxhman.
“Kur thashë se Iviq Pashaliq ishte një frikacak, ai më kritikoi fjalë për fjalë!
Që të mos ndodhte më, dhe unë e kuptova shumë mirë. Pastaj ecja rrugës dhe bërtisja: Pashaliq nuk është frikacak!” – tregoi Bllazheviq
Kroati kishte telashe me shëndetin.
Pas operacionit të prostatës që kishte bërë kur u shfaq kanceri për herë të parë, ai kishte frikë se kjo do të ndikonte në jetën e tij seksuale.
“Kur pata operacionin e prostatës, e dija se mund të ishte fatale për mua.
E pyeta mjekun nëse do të ndikonte në jetën time seksuale.
E dini, operacioni mund të dëmtojë një nerv shumë të rëndësishëm për seksin. Isha vërtet i frikësuar.
Mjekun e njihja mirë, prandaj më përshkroi disa kapsula stimulimi.
Më tha se, nëse nuk do të ndihmonin, do të më jepte një injeksion”, tregonte Bllazheviqi me humor.
Duhet kujtuar edhe një rast tjetër dhe përplasjen me presidentin e Kroacisë Franjo Tuxhman.
Blazheviq nuk donte ta merrte Cvitanoviqin, dhe në fund doli të ishte një vendim i mirë, sepse ekipi kombëtar funksionoi në mënyrë perfekte pa të.
“Tuxhman kishte një dobësi për Ladiqin dhe Cvitanoviqin, udhëheqësit kryesorë të Kroacisë së atëhershme.
Dhe Cvitanoviq, sapo e largova nga përgatitjet në Poreç, shkoi të ankohej te presidenti.
Kryeredaktori i ndjerë i ‘Sportske Novosti’, Darko Tironi, më siguroi se në atë situatë Tuxhman do të më kthente shpinën, ndërsa gazetari i ‘Novi list’, Orlando Riveti, më siguroi: ‘Je i mbaruar nëse nuk e përjashton!’
Pastaj Tuxhmani më telefonoi dhe më tha: ‘Je shumë i zgjuar për të mos e kuptuar se nuk mund të bësh pa Cvitanoviqin.
Bokshiç është i lënduar, dhe kush mund të luajë përkrah Shukerit nëse jo Cvitanoviqi?’.
Kësaj iu përgjigja: ‘President, gjithmonë do të jetë siç thua ti, por tani duhet të zgjedhësh midis Cvitanoviqit dhe autoritetit tim’.
Në atë moment ai ma mbylli telefonin”, kishte deklaruar Mirosllav Bllazheviq.
Ekipi kombëtar kroat i futbollit arriti sukses të madh në vitin 1998, duke fituar medaljen e bronztë në Kampionatin Botëror, pjesë e ekipit kishte qenë edhe ylli i futbollit të Kosovës, Ardian Kozniku.
