Një vullkan shpërtheu sot në Islandën jugperëndimore, thanë autoritetet, ndërsa imazhet e drejtpërdrejta nga mediat tregojnë tym që ngrihet dhe rrjedhe të konsiderueshme lavash, e fundit në një seri shpërthimesh pranë kryeqytetit vitet e fundit.
Ky vend ishullor në Atlantikun e Veriut, i përshkruar shpesh si një tokë akulli dhe zjarri, me morinë e akullnajave dhe vullkaneve, ka regjistruar 12 shpërthime që nga viti 2021, kur sistemet gjeologjike në Gadishullin Reykjanes u bënë përsëri aktive, dhe nëntë që nga fundi i vitit 2023.
Magma depërtoi në koren e Tokës, duke hapur një çarje të madhe 700 deri në 1.000 metra të gjatë, njoftoi shërbimi meteorologjik. Por kjo nuk kërcënon asnjë infrastrukturë, tha shërbimi meteorologjik në deklaratën e tij.
Bazuar në matjet GPS dhe indikacionet e deformimit, ka të ngjarë që ky të ketë qenë një shpërthim relativisht i vogël. Fluturimet në Aeroportin e Keflavikut në kryeqytetin Reykjavik nuk janë prekur.
Transmetuesi publik RUV raportoi, duke cituar policinë, se pushuesit u evakuuan nga Laguna Blu, një vendpushim luksoz gjeotermik, dhe nga qyteti fqinj i Grindavík.
Grindaviku, ku jetonin gati 4,000 njerëz përpara se të urdhërohej evakuimi në vitin 2023, ka mbetur pothuajse i shkretë që atëherë, nga frika e lavës dhe tërmeteve të shoqëruara me shpërthime vullkanike.
Shpërthimet në Rejkjanes deri më tani nuk e kanë kërcënuar Rejkjavikun dhe as nuk kanë hedhur vëllime të mëdha hiri në stratosferë për të shkaktuar probleme për trafikun ajror.
Ekspertët kanë thënë se shpërthimet në zonë mund të përsëriten periodikisht për dekada, madje edhe shekuj.
Këto shpërthime çarjesh, siç njihen, karakterizohen nga fakti që lava del nga çarje të mëdha dhe jo nga një krater qendror.
UPDATE A volcano erupted on Wednesday in Iceland's Reykjanes peninsula, weather authorities said, the ninth eruption to hit the region since the end of 2023.
— AFP News Agency (@AFP) July 16, 2025
Live video feeds showed lava spewing out of a fissure in the ground pic.twitter.com/6vb17GakvD
