Tre aktivistë të Partisë Demokratike të Kosovës në Vushtrri – Driton Prekazi, Iset Prekazi dhe Bela Rama – kanë shprehur publikisht pakënaqësinë e tyre ndaj udhëheqjes lokale të partisë dhe rrethit të ngushtë të kryetarit të degës, Ferit Idrizi.
“Prej themelimit kemi qenë tre persona që i kemi qëndruar besnikë kësaj Partie, me gjithë përkushtimin dhe besimin tonë. Por sot, nuk mund të heshtim: jemi të pakënaqur me udhëheqjen në komunë dhe me njerëzit përreth kryetarit”, thuhet në reagimin e tyre.
Ata theksojnë se mbeten të përkushtuar ndaj PDK-së dhe vlerave që përfaqëson ajo, por kërkojnë që këto vlera të mbrohen me vepra konkrete dhe jo të zbehen nga interesa personale.
