Nichi ka publikuar projektin e tij më të ri muzikor, të titulluar “Shkurt e shqip”.
Kënga vjen si një diss i pastër dhe mjaft i ashpër ndaj reperit Don Xhoni, në një periudhë të tensionuar mes dy artistëve, pas një sërë thumbash që ata kanë shkëmbyer ndaj njëri-tjetrit në distancë.
Situata u përshkallëzua edhe më tej pasi menaxheri i Nichit, producenti i njohur Bini Diez, deklaroi publikisht se ishte sulmuar nga Don Xhoni dhe rrethi i tij, duke i dhënë kështu këngës një kontekst edhe më të errët.
Në tekstin e “Shkurt e shqip”, Nichi e portretizon Don Xhonin si “besprerë” dhe “frikacak”.
