Zyra për Kosovën në Qeverinë e Serbisë ka reaguar të mërkurën përmes një komunikate për media, duke pretenduar se autoritetet kosovare kanë ndaluar një zyrtar policor, i cili ka vendbanimin në Komunën e Kamenicës dhe është i punësuar në Drejtorinë e Policisë në Vranjë të Serbisë.
Sipas kësaj komunikate, zyrtari policor është ndaluar fillimisht në pikën kufitare në Konçul dhe më pas është dërguar në Prishtinë.
“Zyra për Kosovë i ka ofruar atij ndihmë juridike dhe do të informojë përfaqësuesit ndërkombëtarë për edhe një ndalim dhe dëbim të paligjshëm të një serbi të punësuar në Ministrinë e Punëve të Brendshme”, thuhet në komunikatë.
