Shkruan Kimete Berisha
(Tragjedi shqiptare, me pasoja qesharake)
…
I. KËRCËNIMI
Prokuroria:
Edhe Vjosa Osmani ka qenë bashkëpunëtore e Hashim Thaçit.
Nuk pranoi ta hallakatim Presidencën.
Edi Rama:
Ka qenë punëtore e tij, jo bashkëpunëtore.
Mati fjalët – armik i popullit shqiptar.
Vjosa Osmani:
Sekretet e mia ia tregoj Edi Ramës,
se ai ka të drejtë t’i zbulojë, se është i Shqipërisë.
…
II. KORI I POPULLIT
Populli:
Pse Edi Rama me kaq vurmak e mbron Vjosa Osmanin?!
Në takimin e parë me të ka thënë:
“Ç’është kjo figurë… e kam bezdi të flas me të.”
Populli (zë tjetër):
Po e shfrytëzon për ta mbrojtur Hashim Thaçin.
Edi Rama:
Kjo është dramë kombëtare.
Prokurorët janë idiotë ndërkombëtarë.
Ali Ahmeti:
E kam thënë para teje.
Populli:
Po ky pse s’është në burg?!
Populli (tjetër):
Sepse është shpallur ‘jonormal’ me letra.
Se rrokë burgu.
…
III. MALLKIMI
Dëshmitari:
Në promovimin e librit “Kur heshtja flet”, Edi Rama foli më shumë se heshtja.
Narrativi:
Edi Rama?
A është normal që po nëmë si plakush i mesjetës?
Orakulli:
Mund të jetë normal.
Por është trim… me dashtë, deshet cullak.
Dhe… nuk ha burg nëse i nëmë prokurorët.
Edi Rama nga Prishtina – mesazh Dick Marty-t në Purgator:
“Ako ima Boga – u paklu gorićeš.”
Narrativi:
Dick Marty nuk u dëgjua.
Sepse sekreti është ky:
të vdekurit na shohin, por nuk mund të na flasin.
E ne mund t’u flasim, por nuk mund t’i shohim.
(Për pak.)
…
IV. HEROIZMI
Vjosa Osmani:
Pasi populli e kuptoi se jam kërcënuar nga Prokuroria e Hagës
dhe për hatër të Hashim Thaçit kam rezistuar…
a do të thotë kjo se PDK më bën Presidente?
Pastruesja e Presidencës:
Kur më kanë pyetur… e kam thënë të vërtetën:
Veç Zoti e di sa qime i heqim ne prej zyrës së saj.
Narrativi:
S’kemi harruar kur ia ka hedhur foton Hashim Thaçit… si zonjë.
Edi Rama:
Është një kohë për ta hedhur dikë.
E një kohë për ta mbledhur.
Kjo është tragjedi kombëtare.
Populli:
Çka të bëjmë!
…
V. PYETJA
Populli (si në sportel):
Nëse kërcënimi ka zgjatur dy vjet…
pse nuk është lajmëruar në polici?
Vjosa Osmani:
Sepse ishte kërcënim ndërkombëtar.
Edi Rama:
Ky kërcënim nuk është për polici.
Ky është për histori.
Populli:
E kuptova.
Kur kërcënohet qytetari – raporton policinë.
Kur kërcënohet Presidentja – rrëfehet.
Prokuroria:
Ne kishim procedura.
Populli:
Po kërcënimi ku ishte… në procedurë, apo në titull?
…
VI. TITULLI
Populli (me telefon në dorë):
E gjeta “procesverbalin”: titullin.
“Duan t’i varrosin së gjalli.”
Kaq. Rasti u mbyll.
Edi Rama:
Kur them “Duan t’i varrosin të gjallë” –
nuk është lajm.
Është emocion. Është shpirt.
Prokuroria:
Ne… s’kemi shpirt në dosje.
Populli:
E qartë.
Por punët s’i kanë mirë… se Albin Kurti nuk po qesh më.
Sikur të kishte parë prapa perdes.
…
VII. EPILOGU
Autorja:
Gjithmonë më ka pëlqyer ai AKTI…
kur dikush e sakrifikon veten për dashuri, zemër.
Hajde tash.
…
P.S.
“Ku të shkosh në këto kohë të tmerrshme… nuk ke.”
…
AUTOKRITIKË:
Mundesh edhe më mirë.
(Pauzë.)
Ti.
