Ministrja e Drejtësisë, Albulena Haxhiu, ka fajësuar Sami Lushtakun që ka tentuar ta sulmojë eskortën e kryeministrit të Kosovës, Albin Kurti.
Haxhiu ka shkruar në Facebook, se Lushtaku me veturën e tij zyrtare të Komunës së Skenderaj, “e ka pre rrugën e veturës së Kryeministrit me qëllim sulmin”.
E për këtë çështje ka reaguar, zëdhënësi i komunës së Skenderajt, Amir Lushtaku i cili ka thënë se deklarata e Haxhiut është e pavërtetë.
Ai tutje ka thënë se dega e Skenderajt i ka pezulluar të gjitha për solidarizimin me familjet e viktimave në Çubrel dhe Lushtaku ka pasur një agjendë në Fushë-Kosovë.
Madje ai ka thënë se për këto shpifje ministrja Haxhiu do të paditet.
“Kjo absulotisht është e pavërtetë, dega e Skenderajt i ka pezulluar të gjitha me u solidarizu me familjet e viktimave në Çubrel, edhe gjenerali Lushtaku e ka pasur një agjendë në Fushë Kosovë, edhe me siguri për këto shpifje do të paditet organet e drejtësisë”, ka deklaruar Lushtaku.
