Deputetja e Lidhjes Demokratike të Kosovës, Hykmete Bajrami, ka reaguar ndaj postimit të ministrit në detyrë të Financave, Hekuran Murati, i cili më parë publikoi të dhënat e Agjencisë së Statistikave të Kosovës dhe u shpreh se ekonomia po vazhdon të rritet, duke demantuar pretendimet e opozitës.
Në një status në Facebook, Bajrami ka kërkuar që Murati të përgjigjet për nivelin e inflacionit, duke e krahasuar me të njëjtën periudhë të vitit të kaluar.
“Sipas Agjencisë së Statistikave të Kosovës, për muajin gusht 2025 inflacioni është 4.5% më i lartë se në muajin gusht 2024. Pyeteni Hekuran Muratin se çfarë lajmi është ky për Kosovën”, ka shkruar Bajrami.
