Një aeroplan ushtarak rus është rrëzuar në rajonin e Ivanovos, duke pasur në bord shtatë anëtarë të ekuipazhit.
Lajmi është bërë i ditur nga televizioni shtetëror rus Vesti.
Ende nuk dihet nëse ka të mbijetuar mes personave që ndodheshin në aeroplan, ndërsa rrethanat e aksidentit mbeten të paqarta.
Nga ana tjetër, autoritetet ruse të sigurisë nuk kanë dhënë detaje nëse fluturakja ishte në ndonjë mision ushtarak apo vetëm gjatë një fluturimi rutinë.
Aeroplani i rrëzuar, i cili besohet se i përket Ministrisë së Mbrojtjes së Rusisë, është modeli AN-22, i njohur si aeroplanja më e madhe në botë me motorë turbohelikë.
