Unë jam e martuar prej disa vitesh dhe zakonisht mendoja se marrëdhënia ime me burrin tim ishte e qëndrueshme. Por kohët e fundit ndjeva një boshllëk brenda meje, një lloj dëshire për emocion dhe vëmendje që nuk e gjeja në martesë. Një ditë, njoh një djalë 33-vjeçar që punon në një kafe që frekuentoj shpesh.
Fillimisht ishte thjesht biseda e lehtë, por pastaj filluam të kalonim më shumë kohë bashkë dhe një lidhje emocionale dhe fizike filloi të zhvillohej. Ndjeva një risi dhe një emocion që nuk kisha ndjerë prej kohësh, dhe për një moment e lëshova veten të zhytet në këtë eksperiencë.
Por tani, pas disa muajsh, ai po më injoron totalisht. Nuk më përgjigjet në mesazhe, as nuk e shoh më në kafe. Ndihem e humbur dhe e lënduar, dhe njëkohësisht ndihem shumë fajtorë për gjithçka që ndodhi. Nuk e kuptoj pse ka ndryshuar sjelljen e tij dhe nuk di si të përballoj ndjenjat e mia.
Ndjej zemërim ndaj vetes, trishtim për atë që ndodhi, dhe frikë për martesën time – nuk di nëse do të mund ta shpëtoj apo jo lidhjen me burrin tim. Gjithçka ndihet kaotike brenda meje dhe nuk di nga t’ia filloj për të reflektuar ose për të vepruar. Ndjej që kam nevojë për dikë që të më ndihmojë të kuptoj çfarë po ndodh brenda meje dhe si të përballem me pasojat e zgjedhjes sime.
Përgjigja e psikologut:
Është e kuptueshme që ndihesh e trishtuar dhe e konfuzionuar në këtë situatë. Kur kemi marrëdhënie jashtëmartesore, shpesh krijojmë pritshmëri që mund të mos përputhen me realitetin, dhe kur personi tjetër të injoron, kjo mund të jetë e dhimbshme. Një hap i rëndësishëm tani është të reflektosh mbi ndjenjat e tua dhe motivet që të çuan në këtë marrëdhënie.
Është po ashtu koha për të menduar për martesën tënde dhe për mënyrën se si mund ta adresosh situatën me burrin tënd, nëse dëshiron ta shpëtosh lidhjen ose të mbyllësh kapitullin me qetësi. Kujdesi për veten emocionalisht është prioritet – ndoshta duke folur me një psikolog individualisht mund të të ndihmojë të përpunosh fajin, dhimbjen dhe pasigurinë që ndjen. Kjo nuk është vetëm për të kuptuar se çfarë ndodhi, por edhe për të ndërtuar një rrugë përpara që të ndihmon të ndihesh më mirë me veten.
