Kandidati i PDK-së për deputet, Rrahman Rama, me numër 7 në listën zgjedhore të këtij subjekti politik, ka zhvilluar takime me përfaqësues të bizneseve në qytetin e Vushtrrisë, ku është diskutuar për sfidat me të cilat po përballen bizneset dhe ndikimin e krizës ekonomike në Kosovë.
Rama ka thënëse mbështetja dhe trajtimi i duhur i bizneseve që krijojnë vende pune mbetet pjesë e rëndësishme e politikave zhvillimore të programit të kandidatit për kryeministër nga PDK-ja, Bedri Hamza.
“Kam takuar ata që mbajnë gjallërinë në qytetin e Vushtrrisë, bizneset. Biseduam shtruar për problemet dhe sfidat e tyre, por edhe krizën që ka prekur gjithë Kosovën e rrjedhimisht edhe ata. Trajtimi i duhur i bizneseve që krijojnë vende pune dhe mbajnë ekonominë tonë, është në bosht të politikave zhvillimore të programit të Bedri Hamzës”, deklaroi ai.
