“Partia që tashmë është në krye të Qeverisë në Kosovë është në rrugën e duhur për të dalë e para në zgjedhjet parlamentare të së dielës, por asaj do t’i duhet të bëjë një koalicion me partitë e tjera për të formuar një qeveri, tregoi një Exit Poll”, kështu e fillon artikullin Reuters.
Rezultati i zgjedhjeve do të ishte një rënie nga më shumë se 50% që fitoi partia e kryeministrit Albin Kurti në vitin 2021. Por e vendos atë në pozicionin për të udhëhequr qeverinë e ardhshme në një vend, politika e të cilit dominohet nga marrëdhëniet me Serbinë fqinje dhe serbët brenda kufijve të tij.
Gjatë fushatës zgjedhore Kurti me sa duket përjashtoi mundësinë e formimit të një koalicioni, duke thënë se ai nuk do të merrte pjesë në qeveri nëse nuk fitonte më shumë se 50% të votave.
Tutje, artikulli vazhdon duke u përshkruar kryeministri aktual Albin Kurti, një i majtë dhe nacionalist shqiptar, erdhi në pushtet në vitin 2021 kur një koalicion i drejtuar nga partia Vetëvendosje mori më shumë se 50% të votave dhe siguroi një shumicë prej shtatë vendesh në parlamentin me 120 vende.
