Drejtoria Rajonale e Policisë në Prishtinë, përkatësisht Stacioni Policor Jugu, ka publikuar fotografinë e personave të dyshuar të shpallur në kërkim, lidhur me veprën penale “Asgjësim apo dëmtim i pasurisë”, e paraparë me nenin 321 të Kodit Penal të Republikës së Kosovës.
Ngjarja ka ndodhur në një parking në rrugën “C” në Prishtinë, ndërsa autoritetet policore, me autorizim të Prokurorisë Themelore – Departamenti i Përgjithshëm, kanë nisur hetimet për identifikimin dhe lokalizimin e të dyshuarve.
Policia e Kosovës u bën thirrje të gjithë qytetarëve që mund të ndihmojnë në zbardhjen e këtij rasti – përmes njohjes së tipareve fizike apo ndonjë informacioni tjetër – që të kontaktojnë autoritetet përmes kanaleve zyrtare:
- E-mail: [email protected]
- Aplikacioni: Lajmëro Policinë
- Telefoni: 192
- Facebook: Kosovo Police
Policia thekson se bashkëpunimi i qytetarëve është thelbësor në ndërtimin e një mjedisi të sigurt dhe pa krim, duke garantuar se çdo informacion do të trajtohet me konfidencialitet dhe profesionalizëm të plotë.
