Kreu i AAK-së thotë se hyn në Pentagon me status të privilegjuar, pa kontrolle të zakonshme sigurie.
Ramush Haradinaj, kryetar i Aleancës për Ardhmërinë e Kosovës, ka deklaruar se posedon “clearance” të lartë sigurie në Pentagon, status që sipas tij e ka që nga koha e luftës.
Haradinaj tha se falë këtij verifikimi të veçantë, ai hyn në Pentagon pa iu nënshtruar kontrolleve protokollare të sigurisë, madje me privilegje që, sipas tij, nuk i kanë as disa nga punonjësit e këtij institucioni.
“Kam hyrë në Pentagon edhe pa qenë kryeministër. Gjithmonë kam hyrë me status të privilegjuar. Asnjëherë nuk kam kaluar nëpër skaner dhe nuk më është kërkuar ID. Ata e quajnë ‘clearance’ dhe më kanë dhënë verifikimin më të lartë të sigurisë”, u shpreh Haradinaj.
Ai shtoi se, ndryshe nga punonjësit që pajisen me ID ditore për hyrje, atij i ofrohet hyrje e veçantë. “Kaloj në tapetin e kuq dhe më presin jashtë objektit. Edhe herën e fundit që isha atje, dy kolegë të mi e panë këtë”, tha Haradinaj.
