Shumë njerëz nuk marrin mjaftueshëm kalcium, një mineral i rëndësishëm jo vetëm për forcën e kockave, por edhe për rregullimin e presionit të gjakut dhe funksionimin e nervave.
Nutricionistët veçojnë qumështin e lopës si një nga burimet më të mira të kalciumit. Një filxhan qumësht (rreth 2.4 dl) përmban rreth 306 miligramë kalcium, një pjesë e konsiderueshme e nevojës ditore.
Sipas nutricionistes Luciana Soares, qumështi është i dobishëm sepse kalciumi në të përthithet lehtë nga trupi. Shumica e qumështit në treg është gjithashtu i pasuruar me vitaminë D, e cila ndihmon në përthithjen e kalciumit dhe shëndetin e kockave.
Përveç kalciumit dhe vitaminës D, qumështi përmban edhe fosfor, proteina, zink, kalium dhe magnez, lëndë që ndihmojnë muskujt, nervat dhe prodhimin e energjisë.
Nutricionistët rekomandojnë rreth tre gota qumësht në ditë, ndërsa për personat aktivë qumështi me çokollatë pas stërvitjes mund të ndihmojë në rikuperimin e muskujve.
Sasia e kalciumit mbetet pothuajse e njëjtë te qumështi i skremuar, gjysmë i skremuar apo i plotë. Edhe personat me intolerancë ndaj laktozës mund të zgjedhin qumësht pa laktozë, i cili ruan të njëjtat përfitime ushqyese.
