Presidenti rus, Vladimir Putin i ka dërguar një mesazh kërcënues Europës, sa i takon ngurimit të kësaj të fundit për të arritur një marrëveshje paqeje në Ukrainë me këto kushte. Putin deklaroi se nëse Evropa dëshiron të luftojë, atëherë Rusia është gati që tani.
Duke folur pas një forumi investimesh në Moskë, presidenti rus tha se evropianët nuk kanë një axhendë paqësore dhe janë në anën e luftës, dhe kërkoi nga lufta në Ukrainë kërkesa që nuk janë të pranueshme për Rusinë.
“Evropianët po pengojnë gjithashtu administratën amerikane dhe Donald Trump në përpjekjet e tyre për të arritur një marrëveshje paqeje përmes bisedimeve”, thotë Putin.
Ai pretendon se qyteti i Pokrovskut është tani plotësisht nën kontrollin e ushtrisë ruse, pasi ministria e mbrojtjes e Moskës publikoi pamje që me sa duket tregojnë ushtarë rusë duke valëvitur flamuj në qytetin në vijën e frontit.
“Sulmet e fundit ndaj anijeve cisternë ruse janë “pirateri” dhe Rusia do të zgjerojë sulmet ndaj porteve dhe anijeve ukrainase në përgjigje”, shtoi Putin.
