Trajneri i Kombëtares së Shqipërisë, Sylvinho, ka bërë publike sot listën e lojtarëve për dy ndeshjet e muajit nëntor, kundër Andorrës dhe Anglisë.
Në këtë grumbullim rikthehen në ekip sulmuesi Indrit Tuci dhe mbrojtësi Ardian Ismajli, ndërsa nuk figuron emri i Anis Mehmetit, i cili po kalon një sezon të shkëlqyer me Bristol City.
Kombëtarja e Shqipërisë do të luajë më 13 nëntor si mysafire ndaj Andorrës, ndërsa më 16 nëntor pret Anglinë në stadiumin “Air Albania”.
