Ragip Xhaka, babai i futbollistit të kombëtares zvicerane, Granit Xhaka, nuk pritet të sigurojë ulëse në kuvend.
Xhaka, një i përndjekur politik në vitet 90′, emigrant në Zvicër, i ka fituar 13,221 vota në zgjedhjet parlamentare të 9 shkurtit, pas numërimit të 90% të votave.
Pavarësisht prej sigurimit të 13 mijë votave, ato nuk rezultojnë të mjaftueshme që ai të sigurojë një mandat prej deputeti.
Xhaka është kryetar i Degës së Partisë Demokratike të Kosovës në Zvicër.
