Disa protestues kanë penguar disa deputetë të Lidhjes Demokratike të Kosovës, të cilët hapën derën për të dalë nga Kuvendi.
Protestuesit e mbledhur prapa objektit të Kuvendit për të kërkuar miratimin e projektligjit për ndryshimin e ligjit për Gjykatën Speciale reaguan ashpër kur panë deputetët e LDK-së që po tentonin të dilnin nga Kuvendi. Deputetët e kësaj partie nuk morën pjesë në votim, duke paralajmëruar për pasoja nga miratimi i këtij propozimi.
U desh reagimi i policëve për t’i ndalur disa protestues që tentuan të afrohen te dera prapa Kuvendit.
“Hec me e votu ligjin. Hyni mrena! Hyni mrena majmuna”, dëgjohet teksa bërtet njëri.
Janë dëgjuar edhe sharje, ndërsa duke parë këtë situatë, deputetët që po dilnin jashtë e mbyllën derën e Kuvendit.
