Guvernatori i Kalifornisë, Gavin Newsom ka ngritur një padi për të bllokuar vendimin e Presidentit Donald Trump, i cili kërkon që Garda Kombëtare të zbatojë rendin në shtet pas trazirave në Los Angeles.
Lëvizja e Newsom vjen pasi Presidenti Donald Trump urdhëroi vendosjen e rreth 4,000 anëtarëve të Gardës Kombëtare dhe 700 marinsave në Los Angeles.
Avokatët shtetërorë, siç raporton CNN, i kanë kërkuar një gjyqtari federal një urdhër emergjence që do ta ndalonte përkohësisht administratën Trump të përdorte anëtarët e Gardës Kombëtare të shtetit për zbatimin e ligjit dhe për të ndihmuar zyrtarët federalë me imigracionin.
Siç vunë në dukje ata, urdhri që ata kërkuan “do të parandalonte përdorimin e anëtarëve të Gardës Kombëtare dhe të Marinës në detyrë aktive për qëllime të zbatimit të ligjit”.
Ata shtojnë se nuk kërkojnë të pengojnë anëtarët e Gardës Kombëtare të mbrojnë sigurinë e ndërtesave federale ose pronave të tjera të qeverisë federale ose personelit federal në to.
Donald Trump dhe Sekretari i Mbrojtjes Pete Hegseth, të cilët Kalifornia i paditi dje, “kanë ndërmend të përdorin në mënyrë të paligjshme ushtarët e Gardës Kombëtare federale dhe Marinsat për të shoqëruar oficerët federalë të zbatimit të ligjit për imigracionin në bastisje në të gjithë Los Angelesin”, shkroi Prokurori i Përgjithshëm i Kalifornisë Rob Bonda në peticion.
