Prokuroria Speciale ka thënë se Naim Murseli i kishte kërkuar Kushtrim Kokallës që ta vriste bashkëshorten e tij, Liridona Ademajn, që një vit para se të ndodhte vrasja.
Sipas deklaratës së prokurorisë në seancën e së mërkurës, rreth tri javë para krimit, Kokalla ka përfshirë në plan edhe Granit Plavën, me të cilin Murseli ishte takuar dhe ishin marrë vesh për një shumë prej 30 mijë eurosh në këmbim të vrasjes.
Murseli është deklaruar i pafajshëm lidhur me vrasjen e Liridona Ademajt, duke thënë se nëse konfirmohen pretendimet e Prokurorisë, ai do të kërkojë vetë dënim të përjetshëm për veten.
