Kryetari i Vushtrrisë, Ferit Idrizi, njëherësh kandidat për kryetar nga radhët e PDK-së në zgjedhjet lokale, ka zyrtarizuar sot Mentor Ferizin si kandidat për asamblist nga PDK-ja.
Mentor Ferizi, i cili vjen nga fshati Pasomë i Vushtrrisë, ka përfunduar studimet në Fakultetin e Shkencave Dentare në Tiranë dhe aktualisht ushtron profesionin si profesor në Shkollën e Mjekësisë “Dr. Xheladin Deda” në Mitrovicë.
Për dy vite ka shërbyer si anëtar i Bordit të Drejtorëve në Ndërmarrjen Publike “Përparimi”, si dhe është pjesë e Komisionit Komunal të Aksionarëve për Ndërmarrjen Rajonale të Mbeturinave “Uniteti” SH.A në Mitrovicë.
Kryetari Idrizi thekson se Mentor Ferizi është nip i dëshmorit Abedin Ferizi dhe trashëgimtar i një familjeje që ka dhënë shumë për lirinë dhe të ardhmen e vendit.
